Altariq Alseab by Amina Khan Episode 1

Altariq Alseab by Amina Khan Episode 1

Is a Islamic novel . It also published (roman urdu) online.

Free download or read online From here.

Click on the download button below ⬇️for download pdf.

Or read online. 👇

{"Hadees~e~Qudsii"}

" Aey Ibney Adam !!

Aik Meri Chahat Hai Or Aik Teri Chahat Hai

Hoga Wohi Jo Meri Chahat Hai.. 

Pass Ager Tu Ne Supord Kar Diya Apney Ap Ko,

Uss K Jo Meri Chahat Hai, To Wo B Me Tujhey Doonga Jo Teri Chahat Hai

Or Ager Tu Khilaaf Hua Uss K Jo Meri Chahat Hai, 

To Main Thakka Doon Ga Uss Me Jo Teri Chahat Hai!!

Phir Hoga Wohi Jo Meri Chahat Hai"__

              ~~~~~~☆☆☆~~~~~~



Wo car se aise utra jese asman se koi shehzada abi utra ho, Wo is andaz se chal raha tha k ik sroor sa jhalak raha tha us k chaalne me K dekhne waly bas usko dekhty reh jayen..

Ik hath se apna koat pakre or dosra hath Paint ki side jaib me daaly us ny mob nikala: Or kisi se bat karta hua hospital me dakhil hua tha...

Sorry me nahi aa sakta abi_

.. 

No keh dia nah it's finall that sit_

Mob waps jaib me rakhta hua wo hospital k  reception per ponch k 

receptionist se poch k uss k btya hue room me ponchta hai to room usey agy se khali milta hai per kuch saman side per hi para hota hai, wo dubara cal krta hai apni mama ko per sirf bell ja rahi hoti hai!! 

Room to Yehi hai to phir meri walda majda sahiba kahan hain kuch der pehly to cal ai thi driver ki!!

Wo abi mob dekh hi ra hota ha k sister aa jati hai..

Ap kon?

Yahan kuch der pehly wo lady aai hain nah jin k paaon me facture hua hai !!

Ji ji haan..

Me un ka beta hon kahan hain ab wo?

Wo to bendich karwany gai hain unka hi kuch saman tha wo leny aai hoon abi..

Ok ok__

Ap yahn bethein wo abi aa jati hain..

Ok_ wo phir se mob per lag giya__

Sister saman le kr jany lagti ha to wo usey kehta hai_

Please dont mind kya kuch der k liye ye light of ho sakti hai room ki?_

Ji ho sakti hai... 

Please__

Okay.. Sister Light of kr k chli jati hai..

Shahmeer bed per late jata hai kyun k subah se hi us k sar me dard ho raha tha but wo itna feel nahi kar raha tha_ mama ka wait karty karty uski ankh lag gai k achanack us ka mob ringing karne lga  to wo pant ki jaib me se mob nikalty hue khara hua tha k uski jaib se car ki chabi gir gai jis ka shahmeer ko pta nahi chla us waqt per jab wo mob waps jaib me rakhne lagta hai to uski nazr apni giri hui chabi per parhi wo nichy jhuk k chabi utha k khara hone hi lagta hai to usey bed k nichy kisi chamakdar jese nagine ki halki si roshni mehsoos hoti hai per wo wehm samjh k khara hone hi lagta hai k achanak wo phir nichy gutne k bal baith k dekhta hai to koi cheez chamk rahi hoti hai wo thora aagy ho k dekhta hai to usey lgta ha jese koi cheez such me hai__ Shahmeer thora or bed k nichy hota ha or hath barha k dekhta to koi choti c chees usk hath me aajati ha abi wo muthi khol k dekhny hi lgta hai k kya hy?! K drwaza kholne ki awaz or phir koi ander aa jata hai, shahmeer jaldi se wo chees bina dekhy jaib me dal k bahr nikl k khara hota ha to samny mama hoti hain __

Sath ai sister light on karti hai,,

Shahmeer tum..

Ji mama Aagi ap ?

Han meri jaan..

Ap jayen me inhy bitha lon ga__

Ok,,,

Shahmeer mama ka hath pkr k unhy bed per bitha deta hai__

Wese Ap yahn nichy kia kar re thay?

Kuch nahi mama bas aise hi, Ap sunauen ye kya kia? Me to preshan hogiya tha driver ki cal per__



Kuch nahi beta bas markeet me thora paon murr giya tha..

Ab kesa ha?

Much better, doctor ne dressing kar di hai or thori der tak discharge b hojyega..

Chaly achi baat hai Or ab ap Isi bahany rest to karen gi ghar me warna ap to har waqt busy hoti hain__

Nahi beta bass kya karon ghar me akely dil nahi lagta bor ho jati hon, tum to apny kam me busy rehty ho saara din or sameer or mahrosh b study k lie mulk se bahr or tumhare papa b dubai hoty hain ab business ki wajah se to ab me akeli kya karon ghar me? chlo aisa karty hain hum tumhari shadi kar dety hain.. 

Mama ap phir usi topic per aagai hain! Topic change mat karen__

To or kya karon meri jaan? tum kyun nahi kar lety shadi ab? Akhir kab karo gy shadi kitna change hogy ho tum shahmeer?

Maama ap meri shadi ki fikr chor dein__

Kaise chor don fikr ?

To phir aise karen k sameer aa raha na agly saal study complete kar k to us ki kar den shadi__

Ary kyun pehly tumhari hogi tum ho bare bety..

Mama bare choty se kya farq parta hai?

Chlo phir baat karen gy is per..

Yani ap phir koshish Karen gi mujy samjhany ki!!

Or tum phir nahi samjho gy..

Or dono maa bety hasny lagty hain__

                 ~~~~☆☆☆~~~~

Shahmeer mama ko un k room me chor k apne hath se medicine khila k apny room me aa kar drwaza lock kar k kapre change kar k bed per aa jata hai or mob me alaram lga kar let jata hai neend nahi aati to mama ki baton ko sochny lagta hai!!

Mama me kya karon pta nahi kyun mera dil nahi chahta abi shadi karne ko, me khud se ye bat manta hon k me ny maham ko boht chaha us se shadi karna chahta tha but wo nahi mil saki bat khatam hogi, ab Me koi romeo ya majnu nahi hon na koi ashiq jo kisi bat ka ghum karon ya us bat ko dil per le kar hi beth jata me haqiqat pasnd hon practical hon per pta nahi kyun me maham k bad Shadi ko mind me nahi la paa raha hon ya shayd me shadi k lie abhi ready nahi hon, Mujy yaqeen ha Allah tala ny mere naseeb me boht khubsurat or achy dil ki larki rakhi hogi Jo naam se hi nahi dil se b sirf meri ho gi

Jo mere seeny per sar rakh k lety gi meri bazu per soye gi_

Aww Kyun k saber ka Phal to meetha hi hota hai shahmeer k honto per muskurahat aagi or wo sochty sochty so b giya..

                       ~~~~☆☆☆~~~~

            {"Khawaab"}

"Khawabon ki duniya bohat khubsurat hoti hai, kuch log to khawabon me hi jeety b hain lekin khawab mukhtlif kism k b hoty hain or zyda tar khawabon ki wajah b hoti hongi, Kuch khawab hum bimari ki wajah se dekhty hain jese pait kharabi wagaira or kuch khawab hum jub sara din kaam kar k thak k soty hain us waqt thaka hua zehan Jo khawab dekhta hai usey Khawab-e-Himat kehty hain, un khawabon ki koi tabeer nahi hoti.. 

Or achy khawab hum tab tak nahi dekhty 

Jub tak hum pur sakoon nahi hoty jub tak koi b ishara humhy nahi milta Or Jo khawab-e-ilhaam hoty hain ya jinhe khawab-e-khushkhabri b kehty hain wo humhy tab aaty hain jub hum pur sakoon hoty hain or is lie bare buzrg kehty hain jub fajer ka khawaab dekho to uski tabeer pta kar liya karo wo b kisi aise se jise such me khawabon ki tabeer ka ilm hasil ho lekin har khawab ki b tabeer nahi pochni chahiye kyun har khawab sucha nahi hota nah har khawab ki tabeeer hoti hai or nah har khawab btane wala hota hai!

Humare Ambiya karaam Jo khawaab dekhty thay or hum Jo khawab dekhty hain un khawabon me zameen asmaan ka farq hota hi hai lekin ab k hum logon k har khawab suchy nahi hoty.. Kuch log to khawabon ko shub aashub b samjhty hain Halak Ye Sab to Allah tala ki tarf se hota hai k kisi k naseeb me kya likha hua hota hai!? Baaz khawabon ki tabeer to ulti hoti hai or baaz dafa hum kisi cheez ya kisi khaas insaan chahey wo dushman ho ya bohat apna ya kabi kisi ajnabi k bare me bohat zyda soch rahy hoty hain ya phir koi Baat jo dil me chub rahi hoti hai ya koi khawaish humare damaag k kisi hise Ta'shoor ya La'shoor me majood hoti hai jise hum bazahir sochty ya yaad nahi rakhty per kyunk humare demaag k kisi hise me hone ki wajah se hum akser usey khawab me dekhty hain Lekin hum ko yad nahi rakh paty per kuch khawab hum shayd is lie b dekh rahy hoty hain k ya hum kisi ki duaon me reh rahy hoty hain ya koi humhy apni duaon me mang raha hota ya shayd kisi ko humari zroort b ho sakti hai Lekin ye sab hum sirf keh sakty hain per sab kuch janne wali zaat sirf ALLAh Tala ki Zaat_e_pak hai Kyun Beshak wohi to har chees per "QADIR " hai..""

               ~~~~~☆☆☆~~~~~



Shahmeer Uth jayen namaz ka waqt hogiya hai kab se ap ka wait kar rahi hon or ap hain k uth tak nahi rahe, wo uth k jaany lagti hai k shahmeer us ka hath pakr leta ha, 

Mujy pta tha ap jag re hongy!!

Meri jan jub tum itny pyar se uthao gi to kis ka dil kare ga uthny ko__

Ap b na!!

Wo us ko apni bahon me bharny hi lagta k__

Oohh foo yeh Alaram tumhy b ab hi bajna tha, wo thora uth k bed se taik lga k beth jata ha aj phir ik khawab or wo b itna khubsurat khawab or khawab wali b.. aaaahh .. kitny arse se me khawb me ik hi chehra dekhta hon per jub uth k us chehre ko sochta hon to kuch b yaad nahi aata k kya tha yar? 

Or zyda tar ik se khawab kyun hoty hain or ik hi bat kyun anyway., 

Wo uth k washroom chala jata hai wazu karne, Kahin door se fajer ki pehli azaan ki awaz aani shuru ho jati hai...

                     ~~~~☆☆☆~~~~

اِنۡ ہُوَ  اِلَّا رَجُلٌۢ بِہٖ جِنَّۃٌ  فَتَرَبَّصُوۡا بِہٖ  حَتّٰی حِیۡنٍ ﴿۲۵﴾

"Yaqeenan iss shaks ko junoon hai pus tum issay aik waqt-e-muqarrara tak dheel do"
                     ~~~~☆☆☆~~~~



Aa gy tum kya bat karni thi.?
Na salaam na dua! Seedha sawal kya bat karni thi?z

Uzaifa ny aany se pehly shahmeer ko call ki thi k mujy koi bat karni hai.. 

To ab uzaifa k office me enter hoty hi us ny seedha sawal pocha to ik lamhy k lie uzaifa ko acha nahi laga..

Jis ka ehsaas shahmeer ko hogiya tha, Axha soorry yar__
Koi sorry worry nahi...
Acha baba ab kiya kaan pakr lon? Wo kano ko hath lgaany lagta ha__
Bilkol ye saza hai tumhari!

Ok thik ha_

Acha chlo maaf Kia ..

Nahi koi nahi me pakre rakhta hon kaan__

Nahi yar .. aise na kar tumhy pta ha na, me tum se narz  nahi ho sakta tum mere jiger ho per ho tum bohat kaminy..
Han ji woh to hon,  akhir dost kis ka hon__
Han bol do  mere hi ho..
Or dono hasny lagty hain..
Acha chlo ab achi c coffee mangwaoo..
Our kuch hukam? shahmeer hansty hue phone kaan se lagaty  hue pochta hai__
Nahi bas coffee kafi hai..
Acha ji wo coffee ka bol k samny pari file dubara khol leta hai__
Yar band karo ye file..
Yar kam ha nah__
Bad me kar lena mere jaane k bad ..

Or wo Tum ny abhi jaana nahi hai islie tum bolo me sun raha hon __

Tum such me hi woo ho..

Shahmeer muskurany lagta hai__
Sir coffee ...
Han le aao ander__ 

Or  bi kiya haal hy bhooly?

Allah ka shukar sar, ap sunyan,,
Yahn be  Allah ka shukar hai thik hon..
Wo muskura k shahmeer ko dekhty hue pochta hy,,
Or kuch chahiye sar?

Nahi bas Thik hai ab tum jao__
Ok sir,,

Han bolo ab kya bat ha? mujy kam b karna ha jo tumhare yahn hoty hue possible nahi hai__

Yani k tum mujy jaany ka keh re ho indirectly ??
Nahi mazaq kar raha hon__
Good!!
Acha bolo  suspense kyun create kar ho?__
Yar tumhy kya hogiya hy? 

Ab kya kia me ny?__

Tumhy pta hai me kia keh raha hon!!

Nahi mujhy nahi pta tum kya keh re ho__

Shahmeeer tum shadi kyun nahi kar lety? Kis bat k intazar me ho? 

Ohh to  yani k janab ko mama ny  bheja ha aj phir__
Nahi me khud se keh raha hon yar..

Mujhy pta ha sab__
Jub sab pta ha to kyun nahi manty humari baat? Akhir Kis bat ka roog ha jo?
Mujy koi roog nahi hai bas shayd me abhi khud ko shadi k lie ready nahi samjhta (ya shayd me karna hi nahi chahta)__
Or ap kab tak ready hongy?

(Shahmeer ik dam chonka)

Yeh nahi pta shayd 2 saal ya shyd 6mah ya 8 hafty kuch keh nahi sakta__
Yani zyda se zyda 2 saal or kam se kam 2 mah keh sakty hain..
Han maybe __
Hmm ...
Hmm nahi ab kya soch rahy ho? agar tumhari bat hogi ho to please yar me ab kaam kar lon meething ha shaam ko___

Thik kar lo apna kam tum, tumhy bas mujhy bhejne ki jaldi hai per aik bat or kahon ga..
Han kah lo aik nahi 2 __

Yar zyda der tak kam b mat kia karo, aunty ko b waqt Diya karo or kitna time hogiya hum dost b akhaty nahi hue!!
Han sahi keh re ho karty hain kuch weekend per_
Chlo phir done hogiya bta dena..
Han In Sha Allah tala..
Allah hafiz.....
Uzaifa k jaany k bad wo kuch der to soch me hi dooba raha k,

Me kya karon akhir pta nahi me abi ready nahi hon ya mujhy kisi ka intazar hai pta nahi Kia hai!?  Khair wo  sar jhatk k phir file khol k beth jata hai__
                    ========>>

Raat phir shahmeer late ho jata hai jub ghar ponchta ha to mama jag rahi hoti hain__
Aagy meri jaan..
Ji maama, ap soi nahi abi tak 11 baj re hain__ wo drawing room se guzr raha hota hai jub mama per nazr parri)
Nahi nend nahi aa rahi thi to tv lga k beth gai..
Khana khaya ap ny?
Nahi socha tumhara wait kar lon per tum aj b late aaye..
Mama ap wait na kia karen khana kha lia karen please__
Tum jaldi kyun nahi aaty ghar? is bar tumhare papa aayen gy to me larai karon gi khud to ja k dubai beth jaty hain or yahn ki sari zmedari tumhy de kar kam per lga dia ha..
Kya karon mama kam hota ha na__
Pta hain mujhy tumhara kaam tum bas khud ko...

Acha na mama ab koshish karon ga jaldi aany ki pkka__
Hmm Chlo khana khaty hain..
Ap chlen me fresh ho k aata hon__
                       ========>>

Shahmeer fresh ho kar aaya to mama daining table per khana lgaa chuki thi..

Mama ab ap ka paon kesa hy?

Thik ha beta halki c moch thi bss..
Hmm but phir b ap khiyal rakha karen apna__
Tum koi laa do khiyal rakhny wali!!
Mama ap phir usi topic per aagi hain or uzaifa ko b ap ny cal ki thi na?
Nahi chanda cal me ny nahi ki thi, uski aai thi to bat se bat nikal gai..
Mama please mujy just kuch arsa de den phir jo ap kahien gi wohi hoga___
Kitna time chahiye..Btao?
Me abhi kuch keh nahi sakta bass__
Bass tum aise hi karty ho..
Please mama no more argue__ wo uth k jane lagta hai)
Axha ik bat bta do?
Ji pochen?
Kya tum maham ko...
Ary nahi mama__
To phir koi or?
Kya hogya ha mama.. aisi koi bat nahi hai mujhy kisi me b koi interest nahi ha filhal__
Phir kyun tum  nahi karty shadi?  Akhir kis intazar me bethy ho abi tak ?
Mama bas karen koi or bat karen please,. me is lie ghar nahi aata__
Tum gusa kyun ho re ho, kya mujy zroort nahi apno ki...!!!( Wo rony wali hojati hain)

Sorry mama mere irada ap ko hurt karna nahi tha, me bas kuxh waqt chahta hon, me such me nahi janta k kya bat ha per me chah k b abhi soch  nahi pa raha, shayd abhi Allah tala ki marzi nahi hai__
Hmm shayd tum sahi keh re ho...
Shahmeer mama k galy me bahen daalta hua pyar karta ha.. sorry mama__
Acha thik ha meri jaan..
Thanks mammi__
Chlo kafi der hogi soo jao ab..
Ap b time per medicine le lia karen__
Ok meri jaan good night..

            ~~~~~☆☆☆~~~~~

Baaz dafa humhy khud nahi pata hota k hum kiya chah rahy hoty hain kyun hum koi faisla nahi kar paa rahy hoty?,  Humhy lagta hai k shayd abhi humare iss kaam k lie ye sahi waqt nahi kyun k hum us chees k lie khud ko tiyar nahi samjhty per hum ye bhool jaty hain k humare har faisly se barh kar uski zaat ka faisla hota hai!!
Jo sab kuch likh chuka hota hai har chees be'shak sab apny waqt per hi hota hai lekin kab Kia karna hy kese karna hy ye sab hum se pehly Allah Tala ny socha hota hai kyun hum uss k raaz kabi nahi jaan sakty kyun k
Jo Us ny humare naseeb me likh dia hai wo  ho kar hi reh ga  humare chahny ya na chahny se kuch nahi hota, naseeb ka likha kese b humhy mil ke rehta hai..... 

               ~~~~~☆☆☆☆~~~~~

Shahmeer apny room me aa kar Drwaza lock kar k bed per aa kar late jata hai__
Neend nahi aai to Kuch der uzaifa se chat karta ha phir mob side per rakh k aise hi chhatt ko dekh raha hota hai k achanak usey wo khawab yad aajata ha, wohi khawab jo wo aksar dekhta hai or pichly kafi arse se dekh raha thaa shayd maham ki shadi k bad se ya jub se wo__
Khawab to kuch ajeeb se thay per phir b usey achy lagty thay k kabhi koi usey soty me utha rahi ha ya koi us ka intazar kar rahi hoti hai ya kabhi to... lekin kabhi b face clearly khawab k bad usey yad nahi hota tha bas usey ye yaad rehta k khawab dekha ha_
Khair wo sar jhat k apni sochon se nikal k mob utha kar alaram lga kar sony k lie late jata hai or ankhen band karty hi usey neend pakr leti hai__

OUR

Shahmeer k zehan se ye baat bilkol nikal jati ha k usey hospital k room se bed k nichy se kuch mila b tha jise us ny bina dekhy hi apni jaib me rakh lia tha
Usey ye pta hi nahi tha k us chees me  uski kismat qaid hai___

                     ~~~~~☆☆☆~~~~~

                   "KISMAT"

Shahmeer  fajer ki namaz parh k dubara soony k lie late giya

Aj Sunday k din uska irada thora late tak soone or phir mama k sath kuch time spend karny ka__

                    ========>>

Dopehr me us ki ankh jub khuli, jub un ki mulazma shado drwaza nock karny aai_

Shahmeer ankhen khol kar leta hua hi side se mob utha k dekhta hai to 11 baj 're  hoty hain wo bed se uth k drwaza kholta ha__.
Aslam wa alaikam shahmeer bhao..
Walaikam as salam Shado kesi ho?

Thik hon  bhao, aunty keh rahi hain uth jayen..

Han aj kafi der tak sota raha hoon_ wo waps ander aaty hue kehta hai)
Bhaoo Dhoony waly kapre b de den..
Han thik hai tum mama ko nashty ka bolo me nikalta hon jab tak__
Thik ha ji ..
Wo chali jati hai to shahmeer washroom se kapre nikal k rakh deta ha sofe per or khud dubara fresh hony k lie chala jata ha____
                        ========>>

Daining table per nashta karty hoye Shahmeer shado ko kehta ha..
Shado me ny sofe per kapre rakh diya hain lekin pehly mere room ki saafai kar do__

Thik hai bhao..

Itni dair me mama b shahmeer k pas aa kar beth jati hain..

Ji mama btayen ap ki tabiyt kesi ha or  ab paon thik ha?
Thik hon meri jaan btaya to tha na me ny halki c to moch thi, ab bilkol thik hon Allah ka shukar hai...

Ji ji or kya plaan ha aj ka ?__
Kuch nahi abhi ghar me hon phir thori der tak mrs khan ki tarf jaon gi..
Kyun kheriyat?
Han aj mrs khan ki tarf kuch khawateen aa rahi hain unse milna ha..

To yani aj ap ghar per nahi hain, me ny socha tha maa beta kuch waqt sath guzaren gy but me aj akela hon ga__

Ary meri jaan majboori hai warna na jati, tum aisa karo uzaifa ko bula lo ya khud chaly jao uski tarf..

Nahi mama aj kahin jaany ka mann nahi hai__

Kis ka kahan jaany ka mann nahi ha janab..? (Uzaifa achanak aa kar us k shoulder per hath rakh deta hai)
Aslaam wa Alaikam aunty kesi hain?
Walaikam  as salam khush raho.. me thik hon..

Lo g shetaan ka naam lia or shetaan hazir__
Wese bare afsoos ki baat hai dekh lein aunty ye kis tarhn mujy keh raha ha, ye nahi kaha k bari omer haii.. tumhy kya me shetaan dikhta hon?

Buri baat ha shahmeer aise mat kaho bai..

Acha to janab ab tum hi bta do tum shetaan ho ya tumhari omer lambi hai..? Kyunk abi tumhara zikr hua or tum usi waqt nazil .. sorry mera matlab hai aa b gaye__

Dekha aunty ap ny isey!!! Wo muon bna leta ha)
Ab me kya bolon tum dono k darmiyaan ..

Ap na bolen mama__
Chlo thik ha me kuch kam karwa lon or uzaifa k lie kuch bnwa lon kitchen me phir niklti hon ..
Han ji mama ab ye kuch khaye bagair to itni asani se jayega nahi, dekhen aaty hi meri chae b pii giya__

Choren aunty isey ap ja k naik kam karwayen wese b zeeshan b aa raha ha,,
Thik hai beta ap log baten karo..

Kyaaa tum ny usey b bula liya_?

To hor kya itny din hogy wo b yad kar raha tha tumhy? Bas aata hoga or wese b tumhara weekend to khud nahi aany ka kabhi..

Yani aj ka sara din giya mera __

Ofcours bilkol.. itni mushkil se to hath aaye ho sunday k din warna tum to ...
Chalo bass karo ab __

Kya kya baten ho rahi hain wo b mere bagair akely!!

Lo aagiya ik or shetaan__ wo thora bezari se kehta hai)
Haye tum ny mujy shetaan kaha,,
Nahi me tumhy kese keh sakta hon warna shetaan ko b bura lagy ga__

Kese dost ho humhy shetaan keh ra ha..

Yani tumhy b,,

Ofcours mujy b..

Or kafi arse bad wo teeno ik sath beth k hasty hain..
                   =======>>>

Thik hai beta ab me ja rahi hon..
Aslaam walaikam aunty,,
Walaikam as salam aagy beta..
Ji bas thori der pehly aaya,,

Or ghar me sab thik hain?

Ji sab thik .. ap kahin ja rahi hain ?
Ji beta me mrs Khan ki tarf ja rahi kuch kam se..

Kya aunty kahin shahmeer ka rishta to nahi kar dia!!

Nahi beta .. ye manta kab ha warna..

Yar please ab tum shuru mat ho__
Yar abi aunty ny bola na Mrs Khan ki tarf to, wo Mrs khan to rishty karwati hain na,,

Nahi beta ye woh wali nahi hain ye meri friend  hain..
Ooh acha aunty wese idea koi bura nahi..

Ary mama ap jayen .. ye dono to bas__

Thik ha ok boys tak care .. wo muskuraty hue chali jati hain)

Boht kaminy ho tum log.. chlo room me chalty hain___
Teeno shahmeer k room me aajaty hain or baten karny lagty hain♧♧

Dopeher me teeno jub lunch kar k farig hoty hain to shado aajati hai kapre deny..

Bhao ye ap k kapre hain:
Han rakh do sofe per me bad me khud set kar lon ga__
Thik hai bhao me ja ra hi hon ap aunty ko bta dena:

Shado kapre rakh k drwaze k pass ponchti hai to jese usey kuch yaad aajata:
Shahmeer bhao ye apki paint ki jaib se mila hy!!

Meri paint se kya dikhao?
Dekh lo koi photo nah ho kisi larki ki,,
Fazool hi bolna __
Wo sath hi hath agy barhta hai to
Shado us k hath me koi usb rakh deti :
Thik tum jao ab__
Shado k jaany k bad wo dekhta hue sochta ha k ye kis ki ha meri to nahi phir!!__
Kya hua kya soch rahy ho kya hy is me? Zeeshan us se pochta hy)

Kuch nahi aise hi wo usko jaib me rakh leta ha Or khara ho k sath hi kapre b utha leta ha almari me sahi kar k rakhny  lagta hai__

Usey kapre teh kar k rakhta dekh k Sath hi Uzaifa kehta ha,
Dekha beta islie kehty hain Shadi kar lo.. Bivi aajye gi to..

Bas karo tum rehny do apny lectures or mujy apna kam karny ki adat b ha or pasnd b__

Acha yar narz kyun hoty ho marzi tumhari.. chlo zra kahin ghoom k aaty hain..

Nahi yar me to ab kahin nahi ja ra kuch pendding kam hai wo dekhon ga__

Zeeshan k b ghar se call aa jati hai.. sorry me b nahi ja sakta abu ghar bula re hain,,

Lo to phir me akely to nahi ja sakta..

Chlo phir kabhi chlty hain bahr.. zeeshan keh kar chla jata hai or sath me uzaifa b nikal jata hai..

Shahmeer kapre set kar k rakh k bed per aajata hai or time dekhta 6 baj re hoty hain aj time ka pta b nahi chala__

Mob utha kar mama ko call karta ha_

Mama ap aai nahi abhi tak sab thik hai?

Han meri jaan bas thora kam me busy hon abhi soch rahi thi tumhy cal kar k bta don me dinner kar k aaon gi..

Kya mama aj ap b__

Beta itny din bad Mrs Khan se mili hon to inho ny mere lie boht se kam dhunde hue hain..

Thik hai mama.. apna khiyal rakhiye Allah hafiz.. wo mob rakh kar late jaata hai k achanak usey khiyal aata hai uss usb ka wo jaib me hath daal kar nikaal kar usey dekhta ha to wo boht khubsurat c bni hui hoti ha jis k oper stones se "B" likha hua hota ha..

Ary ye kis ki hy? Wo usey dekhty hue phir sochny lagta hai!!
Oohh__ usey yaad aata ha k kuch din pehly jab wo mama ko milny giya tha hospital me to wahn shyd usey koi chees mili thi jo
"hhmmm yehi hogi"

Wo labtop utha kar dekhty hue usb us k sath laga kar on karta hai_

Yar aise kisi ki chees ko bagair ijazat dekhna buri baat hai!! Per meny chori Thori Na ki ha mujy to mili ha Allah ki zameen se wo muskuraty hue usey open kar deta hai..
                ~~~~☆☆☆~~~~

               To be continued....